News
  Kalenner
  Biber
  Wëllefcher
  AvEx
  CaraPio
  RaRo
  A.s.b.l.
  Geschicht
  Baden-Powell
  Chalet
  Fotoalbum
  Kontakt
  Links
  Downloads
  Archive
   
 
   
   


 1 2 3 4 5 6 7 8 9 

Wisefest 2012



Wellefrallye 2012

 En ganz décke Merci jidderengem dee

matgehollef hat!

Hei sinn d' Fotoë vum

Wëllefchersrallye 2012 zu Lëlz

an den Artikel an der Zeitung.

merci Nico,

merci Luss!

 

D’Geheimnis aus dem Stau

Fir de Wëllefrallye 2012 goufen d’Wëllef aus dem ganze Land opgeruff fir d’Geheimnis aus dem Stau ze léisen. D’Awunner aus der Ëmgéigend vum Stau bekloen sech an der Geschicht iwwer Kaméidi a Gestank. Et gëtt iwwer di ënnerschiddlechst Theorien spekuléiert. Et läit lo an den Hänn vun deenen 550 Kanner a Chefs déi den 20. Mee op Lëlz (Lultzhausen) kommen erauszefannen wéi eng da lo déi richteg kéint sinn a wat ee maache kéint fir d’Situatioun ze änneren. (E Video mat der Geschicht vum Rallye fannt fir op http://vimeo.com/39999109 mam Passwuert StauTeeFau)

28 Scoutsgruppe sinn ugemellt mat 529 Wëllef a Chef, si sinn opgedeelt an 35 Rallyesgruppen. Et ginn 2 Weeër déi an zwou Richtungen gaange ginn. Den Depart ass zu Lëlz bei der Sportshal. Et sinn am Ganzen circa 8km mat 9 Spiller. Ee vun den Highlighte vum Rallye ass eng Fahrt um Solarboot, wat den Naturpark Uewersauer erméiglecht.

An de Spiller kënnen d'Kanner hiert Wëssen, hir Sportlechkeet, hir Geschécklechkeet an hir Zesummenaarbecht am Grupp ënner Beweis stellen. Sou sollen d'Kanner an engem Parcours sou vill wéi méiglech Stécker vun engem Puzzle sammelen an en dann zesummenzebauen. Bei engem anere Spill muss ee Kand sech op de ganze Grupp verloosse kënnen, wëll et iwwer ee Seel balancéiert wat op där enger Säit un engem Bam ugestréckt ass an déi aner Säit vun de Kanner aus dem Grupp ugehal gëtt. Ënnerwee kréien d'Wëllef och Quizer déi si léise sollen.

Daagesoflaaf

9:00 – 10:30 Accueil an Depart vun de Gruppen op de Rallye

Bis 16:00 Rallye (mat enger klenger Mëttespaus zwëschenduerch)

16:30 Ofschlossanimatioun mat Éierung vun de Gewënner

17:30 D'Gruppen fuere Heem


 



Friddensliicht 2011

Donneschdes, den 15ten Dezember 2011 ass um 19h00 zu Beetebuerg an der Kierch d’Friddensliichtfeier vun de Lëtzebuerger Guiden a Scouten, organiséiert vum Grupp Abbé Pierre Beetebuerg.

D’Iddi vun der „Aktion Friedenslicht" geet op eng Initiativ vun der éisterräichescher Televisioun zréck. Den ORF Landesstudio Linz huet fir Chrëschtdag an enger Sendung zu enger Spendenaktioun opgeruff , déi „Licht ins Dunkel" fir bedürfteg Kanner bréngt. Säit 1986 kréien d’Spender als Merci d’Friddensliicht offréiert. „Licht ins Dunkel" kënn Dir bestëmmt och dëst Joer deen Dag viru Chrëschtdag um 3Sat gesinn.

D’Friddensliicht gëtt all Joer vun engem Kand, dat sech besonnesch ëm Behënnerter gekëmmert huet, an der Gebuertsgrott vum Jesus zu Bethlehem ugefaang a mam Fliger op Wien bruecht.

Gläich koumen d‘Organisateuren op de Gedanken déi éisterräichesch Guiden a Scouten ze froen fir bei der Verdeelung vum Friddensliicht ze hëllefen. Si hunn acceptéiert an d’Liicht wäit iwwert hir Landesgrenzen eraus un hir Guiden- a Scoutsfrënn weidergereecht, d’läscht Joer an 28 europäesch Länner.

Zënter 1994 sinn och d’Lëtzebuerger Guiden a Scouten derbäi.

“Licht verbindet Völker” ass dëst Joer d’Thema vum Friddensliicht. D’Zeremonie fänkt um 19h00 zu Beetebuerg an der Kierch un, wou mir eis duerno an Atelieren opdeelen, fir herno nees zesummenzekommen, a jiddereen säin Friddensliicht dierf mat Heem huelen, an natierlech och kann weiderverschenken. Sief dat an der Famill, am Altersheem, an aneren Poren sengem Grupp, senge Kollegen, an Altersheemer oder Spideeler, Poren, ...

 


 1 2 3 4 5 6 7 8 9 

 
© Lëtzebuerger Guiden a Scouten - Grupp St. Pirmin vum Séi, Eschduerf - Some rights reserved